ການແບ່ງປັນ ຄວາມຮັກໃຫ້ປ່າໄມ້: ເຊື່ອມໂຍງກັບບັນດາຊຸມຊົນ ຢູ່ແຂວງ ຫລວງນຳ້ທາ

ນຳ​ສະ​ເໜີ​ໂດຍ: Aidan Flanagan

ຢູ່​ໃກ້ກັນ​ກັບ​ຕົ​ວ​ເມືອງ ຫລວງ​ນຳ້​ທາ ​ບ່ອນ​ທີ່ໂຄງການ ຊູ​ຝອດ ປະຕິ​ບັດ​ວຽກ ​ແມ່ນ​ມີຫລາຍ​ຊົນ ​ເຜົ່າ​ທີ່​ເປັນ​ເອກະລັກ. ​ໃນ​ການ​ເດີນທາງ​ຄັ້ງ​ຫລ້າ​ສຸດ ​ເພື່ອ​​ເຂົ້າ​ຮ່ວມ ການ​ຝຶກ​ອົບຮົມ ກັບ​ກົມ​ກວດກາ​ປ່າ​ໄມ້​, ພວກ​ເຮົາ​ໄດ້​ພົບ​ກັບ ​ແມ່ຍິງ​ໄວ​ໜຸ່ມ​ໃນ​ທ້ອງ​ຖີ່ນທີ່​ໂດດ​ເດັ່ນ​ຄົນ​ໜຶ່ງ ຊຶ່ງ​ໄດ້​ຮັບ​ແຮ​ງຈູງ​ໃຈ​ຈາກ ບັນຫາ ການ​ສຶກສາ ​ແລະ ສິ່ງ​ແວດ​ລ້ອມ.

nalin 1

​ໃນ​ລະຫວ່າງ​ການ​ຢ້ຽມຢາມ​ຂອງ​ພວກ​ເຮົາ, ມີ​ຍິງ​ສາວ​ຈາກ​​ເຮືອນ​ພັກ ທີ່​ພວກ​ເຮົາ​ພັກ​ເຊົ່າ​ຢູ່ ​ໄດ້​ພາ​ພວກ​ເຮົາ ​ໄປ​ຢ້ຽມ​ຢາມໝູ່​ບ້ານ​ຂອງ​ລາວ: ບ້ານ ນຳ້​ດີ ​ເປັນ​ໝູ່​ບ້ານ​ນ້ອຍ​ໆ ຂອງ​ຊົນ​ເຜົ່າ ລັນ​ເຕັນ. ​ເຜົ່າ​ລັນ​ເຕັນ ​ໃສ່​ຊຸດ​ແພຝ້າຍ​ຍ້ອມ​ສີ​ຄາມ​ທີ່​ເປັນ​ເອກະລັກ ​ແຊກ​ດ້ວຍ​ສີ​ບົວ ​ແລະ​​ປະດັບ​ດ້ວຍ​ເຄື່ອງ​ເງິນ. ຊົນ​ເຜົ່າ​ດັ່ງກ່າວ​ມີ​ຕົ້ນກຳ​ເນີດ​ມາ​ຈາກ​ເຂດ​ພູດ​ອຍຂອງ​ປະ​ເທດ​ຈີນ ​ແລະ ​ໄດ້ເຄື່ອນ​ຍ້າຍ​ມາ​ທາງ​ພາກ​ໃຕ້, ຊຶ່ງ​ໄດ້ນຳ​ເອົາ​ວັດທະນະທຳ ​ແລະ ຄວາມ​ເຊື່ອ​ຖືທີ່ຕິດ​ພັນ​ກັບ ການ​ປະສົມ​ປະສານຂອງ​ລັດທິ​ເຕົາ ​ແລະ​ການ​ຖື​ຜີ.    ​ເຂົາ​ເຈົ້າ​ດຳລົງ​ຊີວິດ​ຢູ່​ລຽບ​ຕາມ​ສາຍ​ນຳ້​ນ້ອຍໆ ຂອງ​ແຂວງ ​ແລະ​ຕາມ​ລຳ​ຫ້ວຍ​ຕ່າງໆ, ​ບາງ​ຄັ້ງ​ກໍ​ຖືກ​ເອີ້ນ ວ່າ ລາວ​ຫ້ວຍ ຊຶ່ງ​ມີ​ຄວາມ​ໝາຍວ່າ “ຄົນ​ລາວ​ທີ່ອາ​ໃສຢູ່​ຕາມ​ຫ້ວຍ​ນຳ້”.

nalin 2

ນາງ ນາລີ ​ເປັນຜູ້​ທີ່​ມີ​ການ​ສຶກສາ​ດີ ​ແລະ​ສາມາດ​ເວົ້າ​ພາສາ​ອັງກິດ​ໄດ້ດີ. ລາວ​ໄດ້​ລົມ​ໃຫ້ພວກ​ເຮົາ​ຮູ້ກ່ຽວ​ກັບ ຄວາມ​ກັງວົນ​ໃຈ ​ຂອງ​ໝູ່ບ້ານ​ຂອງ​ລາວ ກ່ຽວ​ກັບ ບັນຫາ​ຜົນ​ກະທົບ ຂອງ​ການ​ຂະຫຍາຍ​ສວນ​ປູກ​ຢາງ ພາລາ, ​ແລະ​ຜົນ​ກະທົບ​ຂອງ​ມັນ​ທີ່​ມີ​ຕໍ່ ປ່າ​ໄມ້ ​ແລະ ​ແຫ​ລ່ງນຳ້ ສະໜອງ​​ໃຫ້ໝູ່​ບ້ານ​ຂອງລາວ. ຕອນ​ທີ່ຢູ່​ໝູ່​ບ້ານ​ດັ່ງກ່າວ​ນັ້ນ, ພວກ​ເຮົາ​ໄດ້​ຫລຽວ​ໄປ​ເບິ່ງ ນຳ້ຕົກຕາດ ​ນຳ້​ດີ (ພາສາ​ລາວ​ແປ​ວາ ນຳ້​ທີ່ດີ) ຊຶ່ງ ບໍ່​ມີ​ນຳ້​ອີກ​ຕໍ່​ໄປ​ແລ້ວ. ນອກຈາກ​ນັ້ນ ພວກ​ເຮົາ​ຍັງ​ໄດ້​ຢ້ຽມຢາມ​ເຮືອນ​ຂອງ​ຄອບຄົວ​ຂອງ​ລາວ ຊຶ່ງ​ພໍ່​ແມ່​ຂອງລາວ​ໄດ້​ຕ້ອນຮັບ​ພວກ​ເຮົາ​ຢູ່​ໃນ​ເຮືອນ ​ແລະ​ໄດ້​ເອົາ​​ເຄື່ອງ​ຍິບ​ແສ່ວ​ທີ່​ເຮັດ​ດ້ວຍ​ມື ຊຶ່ງ​ເປັນ​ສິ່ງ​ທີ່​ສ້າງ​ຊື່ສຽງ​ໃຫ້​ກັບ​ບ້ານ​ດັ່ງກ່າວ ​ໃຫ້​ພວກ​ເຮົາ​ເບິ່ງ. ສຳລັບ ນາງ ນາລີ​ແລ້ວ ການ​ເດີນທາງ​ຢູ່​ໃນ​ລົດ​ຄັ້ງ​ນີ້ ​ເປັນ​ຄັ້ງ​ທຳ​ອິດ​ຂອງ​ລາວ ​ແລະ​ກໍ​ເປັນ​ໂອກາດ​ດີ​ທີ່ໄດ້ມາ​ຢ້ຽມຢາ​ມບ້ານ. ຂ້ອຍ​ຮູ້ສຶກ​ໂຊກ​ດີ​ທີ່​​ໄດ້ເປັນ​ແຂກ​ຂອງ​ລາວ.

ລາວ ຍັງ​ຝັນ​ຢາກຮຽນ​ຕໍ່​ ​ແລະ​ປັບປຸງ​ພາສາ​ອັງກິດ​ຂອງ​ຕົນ​ຕື່ມ ​ເພື່ອ​ວ່າມື້ໜຶ່ງ​ໃນ​ພາຍ​ໜ້າ​ຈະ​ໄດ້ເຮັດ​ວຽກ​ທີ່ດີ, ​ແລະ​ໄດ້​ເວົ້າ​ເຖິງ​ຄວາມ​ປາດ​ຖະໜາ​ຂອງ​ຕົນ​ວ່າ​ຢາກ​ໃຫ້ ລັດຖະບານ​ປົກ​ປັກ​ຮັກສາປ່າ​ໄມ້​ໃຫ້​ດີ​ກວ່າ​ເກົ່າ.

nalin 3