ຮູບເງົາວາລະະສານກ່ຽວກັບວຽກງານຄູ້ມຄອງປ່າໄມ້

Screen Shot 2016-11-14 at 1.46.24 PM
ໂຄງການຄຸ້ມຄອງປ່າໄມ້ແບບຍືນນານ ຈະດຶງດູດຄວາມສົນໃຈຂອງປວງຊົນ ໃນງານສາຍຮູບເງົາ ທີ່ຈະຈັດຂື້ນໃນເດືອນນີ້ ເພື່ອເປີດຕົວ ຮູບເງົາສາລະຄະດີຂອງໂຄງການ ຢ່າງເປັນທາງການ, ໃນຫົວເລື່ອງ: “ໂຄງການ ຊູຝອດ: ການເຕີບໂຕສີຂຽວ.”

ຮູບເງົາດັ່ງກ່າວມີຈຸດມຸ້ງໝາຍທີ່ຈະອະທິບາຍບັນດາຜົນສຳເລັດ, ເປົ້າໝາຍ ແລະ ວິທີການຂອງໂຄງການຊູຝອດ ແລະ ບັນດາໂຄງການສືບຕໍ່​ກັນ​ມາ ຂອງຕົນ ຜ່ານທາງສຽງຂອງພະນັກງານ, ບັນດາຄູ່ຮ່ວມງານ, ຜູ້ໃຫ້ທຶນ ແລະ ຜູ້ໄດ້ຮັບຜົນປະໂຫຍດຂອງໂຄງການ ໂດຍກົງ. ນອກຈາກເພື່ອຮຽນຮູ້ຕື່ມກ່ຽວກັບໂຄງການແລ້ວ, ຜູ້​ເຂົ້າຊົມສາມາດຊື່ນຊົມກັບຮູບເງົາທີ່ໜ້າປະທັບໃຈ ກັບພາບທີວທັດ ທີ່ສວຍສົດງົດງາມຊື່​ງມີຄວາມຫລາກຫລາຍຂອງ​ປະ​ເທດ ແລະ ຜູ້ຄົນທີ່ໄດ້ມີສ່ວນຮ່ວມກັບໂຄງການ ຢູ່ໃນ ສປປ ລາວ.

IMG_2685

ຮູບເງົາສາລະຄະດີມີຄວາມຍາວ 20 ນາທີ ນີ້ ຈະຖືກເປີດຕົວຢ່າງເປັນທາງການໃນວັນທີ 21 ພະຈິກ ທີ່ສູນວັດທະນະທຳຝຣັ່ງ (ສະຖາບັນຝຣັ່ງເສດປະຈຳ ລາວ) ໃນເວລາ 17:30 ໂມງ. ຂໍເຊີນຊວນບັນດາທ່ານ ຄູ່ຮ່ວມພັດທະນາ, ຜູ້ມີສ່ວນຮ່ວມຕ່າງໆ ແລະ ມະຫາຊົນທົ່ວໄປ ເຂົ້າຮ່ວມໃນງານດັ່ງກ່າວດ້ວຍ. ພາຍຫລັງ ການສາຍຮູບເງົາແລ້ວ, ໂຄງການຄຸ້ມ​ຄອງ​ປ່າ​ໄມ້​ແບບ​ຍືນ​ນານ (SUFORD-SU) ຈະເປັນເຈົລ້າພາບລ້ຽງເຄື່ອງດື່ມ,ອາຫານຫວ່າງ ປະສົມປະສານກັບການສົນທະນາ ປຶກສາຫາລືກັນ ກ່ຽວກັບ ຮູບເງົາດັ່ງກ່າວ ແລະ ການພັດທະນາແບບຍືນຍົງ ຢູ່ ສປປ ລາວ ທີ່ບໍລິເວນເດີ່ນສວນຂອງສູນພາສາຝຣັ່ງ.

ຮູບເງົາດັ່ງກ່າວ ມີສອງພາສາ ຄື: ພາສາລາວ ແລະ ພາສາອັງກິດ ແລະ ທ່ານກໍສາມາດເຂົ້າຊົມຮູບເງົາຕົວຢ່າງ ໄດ້ລ່ວງໜ້າ ທີ່ຢູທູບ ຂອງໂຄງການຄຸ້ມ​ຄອງ​ປ່າ​ໄມ້​ແບບ​ຍືນ​ນານ (SUFORD YouTube page).

ວັນທີ: ວັນຈັນ ທີ 21 ພະຈິກ
ສະຖານທີ່: ສະຖາບັນຝຣັ່ງເສດ ປະຈຳລາວ
ເວລາ: 17:30 – 20:00 ໂມງ
ມີເຄື່ອງດື່ມ ແລະ ອາຫານຫວ່າງ ບໍລິການ
ສອບຖາມຂໍ້ມູນເພີ່ມເຕີມໄດ້ທີ່: hannahlmm@gmail.com